SHIRK AUR USKI QISMEIN -

SHIRK AUR USKI QISMEIN

-

↘SHIRK KA LUGHAVI MAA'NA : (Linguistic Meaning)

-

▶Naseeb,hissa. (Association) 

-

↘SHIRK KI SHARAI TAREEF :

-

▶Allah ki zaat,sifaat,afaal aur uske huquq me kisi ko uske sath shareek karna shirk hai.

Maslan...

-

✨Kisiko Allah ka beta maanna,uski zaat me shirk karna hai.

-

✨Allah har chiz par qaadir hai.Ye Allah ki ek sifat hai.Allah ke alawa kisi ko har chiz par qaadir maanna uski sifat me shirk karna hai.

-

✨Ibadat karna Allah ka ek Haq hai.Allah ke alawa kisi ko ibadat me shareek karna ye Allah ke huquq me shirk karna hai.

-

↘SHIRK KI QISMEIN TAREEF K SATH :

-

1⃣SHIRK E AKBAR 

2⃣SHIRK E ASGHAR

-

↘SHIRK E AKBAR KI TAREEF

-

▶Wo shirk Jo insan ko millate islamia se kharij kar deta hai aur uska murtakib bagair tawbah ke mar jaye to hamesha hamesh jahannum me rahega.Maslan ibadat me Allah k sath kisi ko shareek karna,Allah ke alawa dusron ko hajat Puri karne wala aur musibatein dur  karne wala maan kar usse mangna,gairullah ke liye qurbani dena aur us ke liye janwar zabah karna wagaira.

-

📝Nabi sallahu alaihi wa sallam ne farmaya 

"Sab se bada gunah Allah ke sath shirk karna hai." 

📚(Sahih Al bukhari)

-

↘SHIRK E ASGHAR KI TAREEF :

-

▶Wo shirk Jo insan ko millate islamia se nikalta to nahi lekin aqida e tawheed me kami paida kar deta hai aur shirk e AKBAR tak pahonhcha deta hai. Maslan gairullah ke naam par qasam khana ya Nazar se bachao k liye dhage wagaira ye soch kar bandhna ke Allah ne un ko bimari door karne me liye banaya hai,agar barahe rast unhe musibat se bachane me muassir maana jaye to wo phir shirk e Akbar hai aur millate islamiya se kharij karne wala hai.

-

📝Nabi sallahu alaihi wa sallam ne farmaya 

"Beshak mujh ko tumhare bareme sabse zada shirk ASGHAR ke paye Jane ka khaof hai.Sahaba ne kaha ....aye Allah k Rasool shirk e ASGHAR kya hai..? Ap Ne farmaya ..." Riya" (Dikhawa).

📚(Musnad Ahmad :-sahih)

-

↘KYA IS UMMAT ME BHI SHIRK WAQE HO SAKTA HAI.....❓

-

▶Haan is ummat me bhi shirk WAQE HO SAKTA HAI.

-

🌟Inme se ek to sadion se maojood hai.yani saleheen ko Allah ka shareek tehrana ,UN ke liye nazr wa niyaz karna unhen pukarna dua karna,wagairah is ummat me shirk WAQE hone ki wazeh Surat button ki pooja hai.

-

📝Nabi sallahu alaihi wa sallam ne farmaya

-

"Qeyamat qayem nahi hogi yahan tak ke meri ummat ke  kuch qabail mushreekeen se mil jayenge,hatta ke buton ki pooja karenge .

📚(Sunan at tirmidhi :sahih)

-

↘SHIRK K NUQSANAT

-

🌟Shirk tamam amaal ko barbad kar deta hai.

-

🌟Uski wajah se bidaat wa khurafat ka zuhoor hota hai.

-

🌟Shirk se muashre me burai aur behayi phelti hai.

-

📚📚Taken from.....: sahih Islami Aqidah book

-